(سوال نمبر 5046)
اکھاڑا نکالنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام عليكم و رحمۃ اللہ تعالیٰ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ
محرم الحرام میں اکھاڑا نکالنا کیسا ہے؟
سائل:- محمد رضوان عالم، پلاموں جھارکھنڈ انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعليكم السلام ورحمة الله وبركاته
الجواب بعونه تعالى عزوجل
آپ اکھاڑے کے مقصد کو دیکھیں کہ لباس بھی غیر شرعی طور پر اس میں پہنتے ہیں اور دیکھنے کے لیے مرد و زن کا خلط ملط ہونا عام سی بات ہے اس لئے شرعا جائز نہیں ہے اس کی جگہ محفل میلاد تذکرہ واقعہ کربلا غرباء و فقراء کو صدقہ یہ سب کار خیر ہے اس میں دل چسپی لیں اور اسے کریں
اور اگر اکھاڑہ سے مراد جلوس ہے پھر ظاہر ہے مروجہ تعزیہ کے ساتھ نکالیں گے جو جائز نہیں ہے ۔
واللہ و رسولہ اعلم بالصوب
کتبہ :- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال۔24/07/2023
