(سوال نمبر 4238)
بیوی کا عیسائی محفل میں پراتھنا کرنا شرعا کیا حکم ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ زید کی بیوی عیسائی محفل میں جاکر ان کے طریقے کو اپنائے ان کی محفل میں پراتھنا وغيره کرے۔ زید کی بیوی پر حکم شرعی کیا ہے قرآن و حدیث کی روشنی میں جواب عنایت فرمائیں ۔
سائل:- تنویر احمد کہر گڈی ضلع مہراجگنج یوپی ہندوستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
عیسائی محفل میں جانا اور پراتھنا کرنا شرعا جائز نہیں ہے ہندہ توبہ و استغفار کریں اور ائندہ نہ جانے کا عزم مصمم بھی اور اگر عیسائی محفل میں عیسائی عقیدہ سمجھ کر پراتھنا کیا پھر خارج از اسلام ہے تجدید ایمان و نکاح کرے نئے مہر و گواہ کے ساتھ۔
عیسائیوں میں فرقہ مرقوسیہ اور نسطوریہ کا عقیدہ یہ ہے کہ الٰہ تین ہیں باپ بیٹا روحُ القدس اللہ تعالیٰ کو باپ اور حضرت عیسیٰ عَلَیْہِ الصَّلٰوۃُ وَالسَّلَام کو اس کا بیٹا اور حضرت جبریل عَلَیْہِ السَّلَام کو رُوْحُ الْقُدُس کہتے ہیں علم کلام کے ماہر علماء فرماتے ہیں کہ نصاریٰ کہتے ہیں کہ باپ بیٹا روح القدس یہ تینوں ایک الٰہ ہیں مَعَاذَاللہ ان کا رد کرتے ہوئے فرمایا گیا کہ اللہ تعالیٰ کے سوا کوئی معبود نہیں نہ اس کا کوئی ثانی ہے نہ ثالِث وہ وحدانیت کے ساتھ مَوصوف ہے اس کا کوئی شریک نہیں باپ بیٹے بیوی سب سے پاک ہے اگر یہ کفار اس عقیدے سے باز نہ آئے اور تثلیث تین خدا ماننے کے معتقدر ہے اور توحید اختیار نہ کی تو آخرت میں دردناک عذاب سے دوچار ہوں گے۔
(تفسیر صراط الجنان سورہ مائدہ)
والله ورسوله اعلم بالصواب
_________(❤️)_________
کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
30/08/2023
