کیا سنی شیعہ کا نکاح جائز ہے؟

 (سوال نمبر 5011)
کیا سنی شیعہ کا نکاح جائز ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ کیا سنی کا نکاح کسی شیعہ سے کرنا کیسا ہے؟ برائے کرم تفصیلی جواب عنایت فرمائیں ۔

:---------------------------:
نحمده و نصلي على رسوله الكريم 
وعليكم السلام ورحمة الله وبركاته 
الجواب بعونہ تعالیٰ عزوجل 

 
سنی شیعہ کا نکاح جائز نہیں ہے اہل تشیع کا عقیدہ 
اہل تشیع صحابۂ کرام رضی ﷲ تعالیٰ عنہم کی شان میں نہایت گستاخ ہے، یہاں تک کہ اُن پر سبّ و شتم ان کا عام شیوہ ہے بلکہ باستثنا ئے چند سب کو معاذ ﷲ کافر و منافق قرار دیتے ہے۔حضرات خلفائے ثلٰثہ رضی ﷲ تعالیٰ عنہم کی خلافتِ راشدہ‘کو خلافت ِغاصبہ کتے ہیں اور مولیٰ علی رضی ﷲ تعالیٰ عنہ نے جو اُن حضرات کی خلافتیں تسلیم کیں اور اُن کے مَدائح و فضائل بیان کیے، اُس کو تقیّہ وبُزدلی پر محمول کرتے ہے،کیا معاذ ﷲ، منافقین و کافرین کے ہاتھ پر بیعت کرنا اور عمر بھر اُن کی مدح و ستائش سے رطب اللسان رہنا شیرِ خدا کی شان ہو سکتی ہے۔؟
سب سے بڑھ کر یہ کہ قرآنِ مجید اُن کو ایسے جلیل و مقدّس خطابات سے یاد فرماتا ہے، وہ تو وہ، اُن کے اتباع کرنے والوں کی نسبت فرماتا ہے: کہ ﷲ اُن سے راضی، وہ اﷲ سے راضی۔
کیا کافروں منافقوں کے لیے ﷲ عزوجل کے ایسے ارشادات ہوسکتے ہیں ؟
پھر نہایت شرم کی بات ہے کہ مولیٰ علی کرّم ﷲ تعالی وجہہ الکریم تو اپنی
صاحبزادی فاروقِ اعظم رضی ﷲ تعالیٰ عنہ کے نکاح میں  دیں اور یہ فرقہ کہے: تقیۃً ایسا کیا۔ کیا جان بوجھ کر کوئی مسلمان اپنی بیٹی کافر کو دے سکتا ہے؟ نہ کہ وہ مقدس حضرات جنھوں نے اسلام کے لیے اپنی جانیں وقف کر دیں اور حق گوئی اور اتباع حق میں لَا یَخَافُوْنَ لَوْمَةَ لَآىٕمٍ کے سچے مصداق تھے۔ 
پھر خود حضور سید المرسلین صلی ﷲ تعالیٰ علیہ وعلیہم وسلم کی دو شاہزادیاں یکے بعد دیگرے حضرت عثمان ذی النورین
 رضیﷲ تعالیٰ عنہ کے نکاح میں آئیں اور صدیق و فاروق  رضیﷲ تعالیٰ عنہما کی صاحبزادیاں شرفِ زوجیت سے مشرف ہوئیں ۔
کیا حضور صلیﷲ تعالیٰ علیہ وسلم کے ایسے تعلقات جن سے ہوں اُن کی نسبت وہ ملعون الفاظ کوئی ادنیٰ عقل والا ایک لمحہ کے لئے جائز رکھ سکتا ہے۔؟ہرگز نہیں ہرگز نہیں۔
ایک عقیدہ یہ ہے کہ ائمۂ  اَطہار رضی ﷲ تعالیٰ عنہم، انبیا علیہم السلام سے افضل ہیں اور یہ بالاجماع کفر ہے، کہ غیرِ نبی کو نبی سے افضل کہنا ہے۔ 
ایک عقیدہ یہ ہے کہ ’قرآن مجید محفوظ نہیں بلکہ اُس میں سے کچھ پارے یا سورتیں یا آیتیں یا الفاظ امیر المؤمنین عثمان غنی 
رضی ﷲ تعالیٰ عنہ یا دیگر صحابہ رضوانﷲ تعالیٰ علیہم نے نکال دیے۔ مگر تعجب ہے کہ مولیٰ علی کرّم ﷲ تعالیٰ وجہہ نے بھی اُسے ناقص ہی چھوڑا۔؟ 
اور یہ عقیدہ بھی بالاِجماع کفر ہے، کہ قرآن مجید کا اِنکار ہے۔ (ماخوذ از بہار شریعت ح ١ ص ٢١٤ المکتة المدینہ )
والله ورسوله اعلم بالصواب 
*كتبه محمد مجيب قادری لہان 18خادم دار الافتاء البرکاتی علماء فاونڈیشن ضلع سرہا نیپال*
20/07/2023